Prezident Shavkat Mirziyoevtiń jaslar menen ushırasıwı dawam etpekte.

Respublika boyınsha 15 mıńǵa shamalas oqıw hám 7,5 mıń kásipke tayarlaw orayları bar. Sońǵı jılları olarǵa 100 den aslam jeńillikler berildi.
Pursattan paydalanıp, mámleketimiz basshısı bul oraylarǵa da múrájat etip, házirgi kórsetkishler menen sheklenip qalmawǵa, keńeyiwge, zamanagóy kásipler hám shet tillerin úyrenip atırǵan jaslardı kóbeytiwge shaqırdı, onıń ushın hár qanday sharayat jaratıwǵa tayar ekenin bildirdi.
Wálayat, rayon hákimleri hár bir balaǵa óz perzentindey qarap, densawlıǵı, oqıwı, júris-turısı, qızıǵıwshılıqları hám arzıw-niyetleri, mashqalalarınan bárqulla xabardar bolıwı zárúr ekenligi kórsetip ótildi.
Olar jaslar menen turaqlı sóylesiw platformasın jolǵa qoyıp, mektep, joqarı oqıw ornı, oqıw hám kásip orayları, isbilermenlerdi birlestirip, jaslarǵa járdemlesetuǵın sistema islese, álbette nátiyje bolatuǵını atap ótildi.
– Bul jumıslar “kampaniyapazlıq” bolmawı, ózgerislerdi hár bir máhálledegi hár bir jas hár kúni tereń seziwi zárúr. Sonda Jańa Ózbekstanda bilim almaǵan, jumıssız, kásip iyelemegen, bir sóz benen aytqanda, jámlespegen jaslar degen túsiniklerdiń ózi qalmaydı! – dedi Prezidentimiz.

ÓzA