Qıtayda Sinxua hám Qıtay Jańalıq agentligi – CNS mámleket hám dúnya mámleketlerindegi paydalanıwshılarına xizmet kórsetedi.

CNS agentliginiń bas ofisi Pekinde jaylasqan. Agentliktiń Qıtayda 31 hám sırt elde 21 filialı bar. Úsh tiykarǵı jańalıq tarqatıw orayı Pekin, Gonkong hám Nyu-Yorkta jaylasqan bolıp, kúnine 24 saat, jılına 365 kún isleydi. Onıń Shinjon filialı barlıq túrdegi jańalıqlar, sonıń ishinde, maqala, foto, video, arnawlı betlerdi tayarlaydı. Filial hár kúni ortasha 20 dan aslam xabar betlerin basıp shıǵaradı.
Házirgi waqıtta Shinjon bólimi Oraylıq Aziya, Batıs Aziya hám Qubla Aziya boyınsha xalıqaralıq baylanıs alıp barıw wazıypasın atqarıp, Qırǵızstan, Qazaqstan, Ózbekstan, Tájikstan hám basqa da mámleketlerdiń iri ǵalaba xabar quralları menen tıǵız birge islesiwdi jolǵa qoyǵan.
Sońǵı jıllarda Shinjon bólimi Qırǵızstan, Qazaqstan, Rossiyanıń birge islesiwshi ǵalaba xabar qurallarında Shinjon haqqında arnawlı betler shıǵardı. 2025-jıldan baslap bolsa bulardıń qatarına Ózbekstan Milliy málimleme agentligi – ÓzA da qosıldı.
– ÓzAnıń direktorı Abdusaid Kwchimov penen sóylesiwimiz birge islesiwimizge tiykar boldı, – deydi Qıtay Jańalıqlar agentliginiń Shinjon filialı direktorı Li Dexua.
CNS birge islesiwshileri dizimine ÓzA logotipin ornatıw máresimi saltanatlı túrde ótti. Onda Túrkiya hám Oraylıq Aziya mámleketlerinen 21 ǵalaba xabar quralınıń wákilleri de qatnastı.

ÓzA