Prezident Shavkat Mirziyoev sırtqı sawda hám transport-logistika tarawlarında keshiktirip bolmaytuǵın ilajlardı dodalaw boyınsha májilis ótkerdi.

Sońǵı kúnlerde Jaqın Shıǵısta júz bergen áskeriy háreketler onısızda tınıshsız jaǵdaydı jáne de keskinlestirdi. Bul Ózbekstannıń dúnya bazarlarına shıǵıw jollarına hám sırtqı sawda qatnasıqlarına unamsız tásir etpey qalmaydı.
Sol sebepli jaǵdaydı durıs bahalap, sırtqı sawda, investiciya, transport tarawlarında jedel ilajlar kóriw shárt ekenligi atap ótildi.
Atap aytqanda, eksport jónelislerin diversifikaciyalaw, júklerdi basqa qáwipsiz portlarǵa kóshiriw zárúr. Bul bolsa, dáslepki esap-sanaqlarǵa bola, tasıw qárejetiniń 30 procentke shekem artıwına sebep bolıwı múmkin. Sol sebepli birge islesiwshi mámleketler menen alternativ jollardı kelisiw, eksportshı kárxanalardı qollap-quwatlaw boyınsha tapsırmalar berildi.
Transport ministrligi, Investiciyalar hám sırtqı sawda ministrligi, Sawda sanaat palatası hám basqa tiyisli uyımlardıń basshılarına isbilermenlik subektleri menen tıǵız islesip, transport-import ámeliyatlarına járdemlesiw, ónimlerine qosımsha bazarlar tabıw wazıypası qoyıldı. Sonıń menen birge, óndiristi izbe-iz dawam ettiriw, ishki bazarda bahanıń turaqlılıǵın támiyinlew kerek ekenligi atap ótildi.

ÓzA