Ózbekstan Respublikası Prezidenti Shavkat Mirziyoev Mongoliya Prezidenti Uxnaagiyn Xurelsuxtıń mirát etiwine bola 24-25-iyun kúnleri mámleketlik sapar menen usı mámlekette boladı.

Sapar baǵdarlamasına muwapıq, Ulan-Bator qalasında joqarı dárejedegi eki tárepleme ushırasıw hám sóylesiwler ótkeriliwi názerde tutılǵan.
Ózbekstan menen Mongoliya arasındaǵı doslıq hám ámeliy birge islesiw qatnasıqların bunnan bılay da rawajlandırıw máseleleri kórip shıǵıladı.
Tovar almasıw kólemin arttırıw hám nomenklaturasın keńeytiw, sanaat tarmaqları, awıl xojalıǵı, kánshilik, transport tarawları hám basqa da tiykarǵı baǵdarlarda kooperaciya joybarların alǵa qoyıw, jedel mádeniy-gumanitarlıq almasıwdı dawam ettiriw dıqqat orayında boladı.
Sammit juwmaǵında kelisimler toplamınıń qabıl etiliwi kútilmekte.

ÓzA