Ózbekstan Respublikası Ádillik ministrligi tárepinen Hújjetli bahalı qaǵazlardı joq etiw boyınsha kórsetpe mámleketlik dizimnen ótkerildi.

Instrukciyada hújjetli bahalı qaǵazlardı joq etiw boyınsha komissiyanı qáliplestiriw hám qaǵazlardı joq etiw tártibine baylanıslı qaǵıydalar belgilendi.
Hújjetli bahalı qaǵazlar joq etiletuǵın sáneden bir ay aldın emitent bahalı qaǵazlar bazarın tártipke salıw boyınsha wákillikli mámleketlik uyımdı xabardar etedi.
Hújjetli bahalı qaǵazlardı jaǵıp jiberiw yaki fizikalıq maydalaw jolı menen joq etiledi.
Hújjetli bahalı qaǵazlardı joq etiw emitent tárepinen dúziletuǵın keminde bes aǵzadan ibarat komissiya tárepinen ámelge asırıladı.
Hújjetli bahalı qaǵazlardı joq etiw haqqındaǵı akt bahalı qaǵazlar bazarın tártipke salıw boyınsha wákillikli mámleketlik uyım, Oraylıq depozitariy hám emitentte saqlaw ushın úsh nusqada dúziledi.

ÓzA