Ózbekstan Respublikası Sırtqı isler ministrligi insanlardıń qaytıs bolıwına hám Jaqın Shıǵısta jaǵdaydıń keskinlesiwine alıp kelgen Izraildiń Iran Islam Respublikasına qarsı áskeriy ámeliyatı boyınsha tereń qáweterleniw bildiredi.

Barlıq táreplerdi tolıq sabır-taqatqa, áskeriy háreketlerdi jedel toqtatıwǵa hám kelispewshilikti siyasiy-diplomatiyalıq jol menen sheshiwge shaqıramız.
Keń kólemli soqlıǵısıwǵa alıp keliwi múmkin bolǵan awır jaǵdaydıń jáne de keskinlesiwi qáweter oyatpaqta.
Ózbekstan regionallıq turaqlılıqtı bekkemlewge sadıqlıǵın jáne bir márte tastıyıqlaydı hám kelispewshiliktiń keskinlik dárejesin azaytıw boyınsha háreketlerge járdem beriwge tayar ekenin bildiredi.

Qaraqalpaqstan xabar agentligi