Ózbekstan Respublikası Prezidenti Shavkat Mirziyoev Tashkent xalıqaralıq investiciya forumında qatnasıw ushın mámleketimizge kelgen BRIKS Jańa rawajlanıw banki prezidenti Dilma Rusefti qabıl etti.

Usı kóp táreplemeli qarjı institutı menen ámeliy birge islesiwdi rawajlandırıw máseleleri dodalandı.
Ótken jıldıń oktyabr ayındaǵı BRIKS sammiti sheńberinde erisilgen kelisimler izbe-iz ámelge asırılıp atırǵanı qanaatlanıwshılıq penen atap ótildi.
Atap aytqanda, banktiń Basqarıwshılar keńesi tárepinen Ózbekstan Jańa rawajlanıw bankine aǵza bolıwına principial kelisim berildi. Ulıwma bahası 5 milliard dollarlıq birinshi gezektegi birgeliktegi joybarlar baǵdarlaması qáliplestirildi.
Mámleketimiz basshısı irrigaciya sistemaların modernizaciyalaw, taw-kán sanaatın rawajlandırıw, jeke menshik sektordı qarjılandırıw, bilimlendiriw hám infrastruktura tarawlarında mámleketlik-jeke menshik sheriklikti alǵa qoyıw sıyaqlı tiykarǵı baǵdarlarda joybarlardı tez waqıt ishinde tayarlaw hám ámelge asırıw áhmiyetli ekenligin atap ótti.
Sonday-aq, iri regionallıq infrastruktura joybarları qollap-quwatlandı.

ÓzA