MǴKAda Biznes-ombudsman málimleme xızmetiniń basshısı Guljamol Shukurovanıń qatnasıwında brifing bolıp ótti.

Gúljamal Shukurovanıń málim etiwinshe, usı jılı ótkeriletuǵın Prezidentimizdiń isbilermenler menen ashıqtan-ashıq sóylesiwin shólkemlestiriw boyınsha jumıslar baslandı.

Oǵan muwapıq, aymaqlarda Biznes-ombudsman apparatı xızmetkerleri tárepinen isbilermenler menen tarawlar kesiminde ushırasıwlar grafikleri tastıyıqlandı hám ushırasıwlar shólkemlestirilmekte.
Ushırasıwlarda bildirilgen usınıslar tallanıp, sistemalı mashqalalar boyınsha usınıslar qáliplestirilmekte.
Sonday-aq, 16-iyunnen 20-avgustqa shekem respublikalıq Shtab, aymaqlıq jumısshı toparlardıń jumısı jolǵa qoyılıp, juwapker ministrlikler hám uyımlardıń maman qánigelerinen ibarat ekspert toparları isbilermenlerdiń múrájatların qabıl etedi hám ulıwmalastırıp baradı.
Isbilermenlerdiń múrájatları 1100 hám 1094 qısqa nomerleri arqalı 24/7 rejiminde «Call-markaz» «Isbilermenler menen ashıqtan-ashıq sóylesiw» elektron platforması, arnawlı telegram bot jáne aymaqlarda ótkerilip atırǵan kóshpeli qabıllawlar arqalı qabıl etiledi.
Sonıń menen birge, brifingte ótken jılǵı ashıq sóylesiwde berilgen wazıypalar boyınsha Biznes-ombudsman apparatı tárepinen ámelge asırılǵan jumıslarǵa da toqtap ótildi.
Atap aytqanda, isbilermenlerdiń huqıqları menen nızamlı máplerin isenimli qorǵaw boyınsha mámleketimiz basshısınıń PP-184-sanlı pármanı qabıl etilip, tiyisli ilajlar belgilendi.
2025-jıl 1-yanvardan baslap isbilermenlik subektleri jumısında ótkeriletuǵın barlıq tekseriwler «Birden-bir mámleketlik qadaǵalaw» málimleme sistemasında dizimnen ótkeriw arqalı Biznes-ombudsmandı xabardar etiw tártibinde ámelge asırılmaqta.
Biznes-ombudsman hám qadaǵalawshı uyımlar birgelikte «Qáwip-qáterdi tallaw» sistemalarına qoyılatuǵın minimal talaplardı qayta kórip shıǵıp, jetilistirildi.
Sonday-aq, barlıq qadaǵalawshı uyımlardıń «Qáwip-qáterdi tallaw» Rejeleri párman talaplarına muwapıqlastırılǵan halda qaytadan tastıyıqlandı.
«Birden-bir mámleketlik qadaǵalaw» málimleme sistemasına 43 qadaǵalawshı uyım tárepinen májbúriy talaplar reestri tiykarında isbilermenliktiń hár bir baǵdarı boyınsha isbilermenlik subektleriniń jumısınıń májbúriy talaplarǵa muwapıqlıǵın tekseriw imkaniyatın beretuǵın cheklist jaylastırıldı hám cheklistti toltırıw nátiyjeleri boyınsha anıqlanǵan kemshiliklerdi saplastırıw maqsetinde isbilermenge usınıslar beriw imkaniyatı jaratıldı.
Qadaǵalawshı uyımlardıń 2024-jılǵı jumısı bahalanıp, «Birden-bir mámleketlik qadaǵalaw» málimleme sistemasında reyting járiyalandı.
Biznes-ombudsman apparatında Qadaǵalawshı uyımlardıń tekseriw huqıqın beriwshi arnawlı gúwalıqqa iye xızmetkerleriniń mamanlıǵın arttırıwdı shólkemlestiriw boyınsha málimleme sistemasında dizimnen ótken 43 qadaǵalawshı uyımlardıń arnawlı gúwalıqqa iye bolǵan lawazımlı shaxslarınıń 8 170 xızmetkeri aymaqlarǵa shıqqan halda oqıw kurslarında oqıtıldı.
Bunnan tısqarı, jıl dawamında isbilermenlerdiń múrájatları Isbilermen virtual ofisi, aymaqlardaǵı ushırasıwlar arqalı turaqlı tallanıp barılmaqta.
Usı jıldıń ótken dáwiri dawamında isbilermenlerdiń sistemalı mashqalalar boyınsha bergen múrájatları tiykarında 9 analitikalıq maǵlıwmatnama tayarlanıp, 25 usınıs Prezident Administraciyası, Ministrler Kabineti hám tiyisli shólkemlerge kirgizildi.

Gulnoza Boboeva, ÓzA