Ózbekstan Respublikası Prezidenti Shavkat Mirziyoevtiń mirát etiwine bola, Slovakiya Respublikasınıń Bas ministri Robert Fico 8-iyun kúni rásmiy sapar menen mámleketimizge keldi.

Tashkent qalasınıń xalıqaralıq aeroportında joqarı mártebeli miymandı Ózbekstan Respublikası Bas ministri Abdulla Aripov hám basqa rásmiyler kútip aldı.
Sapardıń tiykarǵı ilajları 9-iyun kúni bolıp ótedi.
Joqarı dárejedegi sóylesiwlerde Ózbekstan –Slovakiya kóp táreplemeli birge islesiwin jáne de rawajlandırıw máseleleri dodalanadı.
Sóylesiwlerde sawda, investiciya hám innovaciyalar, awıl xojalıǵı, sanaat, energetika, turizm tarawlarında sheriklikti keńeytiwge ayrıqsha itibar qaratıladı. Shólkemlestirilgen miynet migraciyası, mádeniy-gumanitarlıq hám bilimlendiriw tarawlarındaǵı birge islesiw máseleleri kórip shıǵıladı. Xalıqaralıq áhmiyetke iye máseleler, sonıń ishinde, kóp tárepleme maydanlarda óz-ara qollap-quwatlaw boyınsha pikir alısıldı.
Jetekshilerdiń ushırasıwı juwmaǵında Ózbekstan menen Slovakiya arasındaǵı óz-ara paydalı birge islesiwdi rawajlandırıwǵa qaratılǵan hújjetlerge qol qoyılıwı názerde tutılǵan.
Sonday-aq, Slovakiya Bas ministri IV Tashkent xalıqaralıq investiciya forumında da qatnasadı.

I.AVVALBOEV,
N.HAYDOROV (súwret, video), ÓzA