Mektepke shekemgi hám mektep bilimlendiriwi ministri tárepinen Ózbekstanda “bilimlendiriw dárejesi joqarı bolmaǵan” mektepler dizimi tastıyıqlandı.

Oǵan bola, 2025-2026-oqıw jılı ushın bilimlendiriw dárejesi joqarı bolmaǵan mektepler dizimine respublika boyınsha 470 mektep kirgizilgen. Bunday mekteplerdiń eń kóbi – 99 ı Qashqadárya wálayatında, eń azı bolsa – 5 i Buxara wálayatında jaylasqan.
“Xalıq bilimlendiriw info” portalınıń maǵlıwmatlarına bola, 2023-jılı bunday mektepler dizimde 642, 2024-jılı bolsa 545 ti quraytuǵın edi. Bıyıl bul sanlar 75 ke qısqarǵan. Atap ótilgenindey, bilimlendiriw sapası tómen bolǵan mekteplerge basqa aymaqlardan tartılǵan muǵallimlerge ústeme tólenedi.
Usınday mekteplerdiń sanı aymaqlar kesiminde tómendegishe kóriniske iye bolǵan:
• Qashqadárya wálayatında – 99;
• Samarqand wálayatında – 86;
• Surxandárya wálayatında – 70;
• Jizzaq wálayatında – 36;
• Namangan wálayatında – 34;
• Sırdárya wálayatında – 32;
• Ferǵana wálayatında – 29;
• Qaraqalpaqstanda – 24;
• Ándijan wálayatında – 23;
• Nawayı wálayatında – 16;
• Xorezm wálayatında – 9;
• Buxara wálayatında – 5.
•

Qaraqalpaqstan xabar agentligi