Bul haqqında “Ózenergoinspekciya” málimleme xızmeti xabar berdi. Onda aytılıwınsha, bul shólkem huqıq qorǵaw uyımları hám elektr jáne gaz támiynatı kárxanalarınıń qatnasıwında qadaǵalaw ilajların ótkerdi.

Oǵan bola, may ayında alıp barılǵan tekseriwler dawamında 229 nızamsız energiya resurslarınan paydalanıw jaǵdayı anıqlanǵan.
Málim bolıwınsha, 35,6 million kVt⋅saat elektr energiyası (qayta esaplanǵan zıyanı – 57,9 milliard sum) hám 13,2 million metr kub tábiyǵıy gaz (qayta esaplanǵan zıyanı – 36,9 milliard sum) talan-taraj etilgen. Ulıwmalıq esapta sistemaǵa jetkerilgen zıyan kólemi 94 milliard 887 million sumdı quradı.
Sonday-aq, energiya resurslarınan paydalanıw qaǵıydaların buzıw jaǵdayları boyınsha 448 hákimshilik is rásmiylestirilgen. Qaǵıydabuzar tutınıwshılarǵa belgilengen tártipte sharalar kórilgen hám tiyisli hújjetler huqıq qorǵaw uyımlarına jiberilgen.

N.Ziyodullaeva tayarladı, ÓzA