Qaraqalpaqstan Respublikası Pedagogikalıq sheberlik orayı tárepinen ulıwma orta bilim beriw mektepleri direktorlarınıń orınbasarları arasında ótkerilgen “Zamanagóy basshı” tańlawı óz juwmaǵına jetti.

Tańlaw procesinde qatnasıwshılar zamanagóy basshılıq kónlikpeleri, mashqalalı jaǵdaylardı sheshiwdegi kózqarasları, jámáát penen nátiyjeli islesiw qábileti hám bilimlendiriw procesin basqarıwda innovaciyalıq kózqaraslarǵa tayarlıq dárejesi boyınsha bahalandı.
Tańlaw nátiyjelerine bola, tańlawda belsene qatnasıp, joqarı nátiyjelerdi kórsetken qatnasıwshılar Qaraqalpaqstan Respublikası Pedagogikalıq sheberlik orayı tárepinen múnásip sıylıqlandı.
Tańlaw nátiyjelerine bola mektep direktorları orınbasarlarınan Nókis qalasındaǵı 16-mektepten Shaydaxan Djumagulova «Lider basqarıwshı direktor orınbasarı», Xojeli rayonındaǵı 35-mektepten Gozzalxan Erniyazova «Juwapker direktor orınbasarı», Kegeyli rayonındaǵı 5-mektepten Roza Qalimbetova «Kreativ direktor orınbasarı», Ellikqala rayonındaǵı 29-mektepten Anvar Urunov «Talantlı direktor orınbasarı», Qońırat rayonındaǵı 34-mektepten Dánegul Boranova «Talapshań direktor orınbasarı» baǵdarları boyınsha jeńimpaz boldı.

Qaraqalpaqstan xabar agentligi.