Ózbekstan Respublikası Prezidenti Shavkat Mirziyoevtiń mirát etiwine bola, Italiya Respublikası Bas ministri Jorja Meloni 28-29-may kúnleri rásmiy sapar menen mámleketimizde boladı.

Sammit mámleketimiz basshısınıń 2023-jıl 7-9-iyun kúnleri Italiyaǵa rásmiy saparı dawamında erisilgen kelisimlerge muwapıq ótkeriledi.
Samarqand qalasında bolıp ótetuǵın joqarı dárejedegi sóylesiwlerde Ózbekstan-Italiya strategiyalıq sheriklik qatnasıqların bunnan bılay da bekkemlew hám kóp táreplemeli birge islesiwdi keńeytiw máseleleri kórip shıǵıladı.
Innovaciyalıq birge islesiw hám gumanitarlıq almasıw joybarların alǵa qoyıw dıqqat orayında boladı.
Juwmaǵında eki tárepleme kelisimler toplamına qol qoyıw názerde tutılǵan.

WzA