Moskva wálayatındaǵı “Yangi quddus” muzeyinde Ózbekstan Mádeniyat hám kórkem ónerdi rawajlandırıw qorınıń baslaması menen “Álemler arasındaǵı nur” kórgizbesi bolıp ótedi.

30-may kúni ashılıwı rejelestirilgen bul kórgizbede 1920-1930-jıllardaǵı ózbek hám rus modernizminiń az úyrenilgen tárepine baǵıshlanǵan joybar tanıstırıladı.
Ekspoziciyaǵa “Yangi quddus” muzeyi hám Savickiy atındaǵı Qaraqalpaqstan Respublikası kórkem óner muzeyi kollekciyalarına tiyisli 40 xudojniktiń 160 tan aslam reńli hám grafikalıq shıǵarmaları kiredi. Olardıń arasında Aleksandr Volkov, Solomon Nikritin, Aleksandr Shevchenko, Kliment Redko hám basqalar bar.
– Rossiya hám Ózbekstan birge islesiwi kóp baǵdarlarda – ekonomika, ilim, turizm, álbette, kórkem óner tarawında da rawajlanbaqta, – deydi Moskva wálayatınıń gubernatorı Andrey Vorobev. – Dóretiwshilik, ásirese, xalıqlarımız arasındaǵı uqsas tariyx mádeniy baylanıslardı jáne de bekkemleydi. “Álemler arasındaǵı nur” joybarı kórkem óner bilimdanları hám ıqlasbentleri ushın oǵada qızıqlı boladı.

ÓzA