Prezident Shavkat Mirziyoevtiń basshılıǵında mektep bilimlendiriwi boyınsha videoselektor májilisi dawam etpekte.

– Dúnyada dálillewdi talap etpeytuǵın bir haqıyqat bar: hár qanday mámlekettiń rawajlanıwı salamat hám bilimli áwladqa baylanıslı. Sonıń ushın, Jańa Ózbekstandı qurıw jolında salamat, bilimli, tereń pikirleytuǵın, watanın súyiwshi jaslardı tárbiyalaw ushın barlıq sharayatlardı jaratıwımız shárt hám zárúr, – dedi mámleketimiz basshısı.
Keyingi 7 jılda mektepke shekemgi hám mektep bilimlendiriwi ushın qarjı 7 esege arttırılǵanı, bıyılǵı jılı oǵan 60 trillion sum qaratılıp atırǵanı atap ótildi.
Mekteplerde 1 millionǵa shamalas, baqshalarda 1,5 million jańa orın jaratıldı. Baqsha menen qamtıp alıw 3 esege artıp, 78 procentke jetti.
Mamanlıq, til biliw, jańa bahalaw sisteması, pán olimpiadaları sıyaqlı normalar tiykarında muǵallimlerge 10 nan aslam ústeme engizildi. Bunnan nátiyjeli paydalanǵan 60 mıń muǵallim házirgi waqıtta 8-12 million sum miynet haqı almaqta.
Baqsha tárbiyashılarınıń aylıǵı 65 procentke artıp, mektep muǵallimleriniń aylıǵına teńlesti. Jańa oqıw jılınan mektep direktorları, orınbasarları hám baqsha basshılarınıń miynet haqısı 7-10 million sumnan asadı.

ÓzA