Qıtay Xalıq Respublikası Insan resursları hám sociallıq támiynat ministrligi rásmiy túrde 17 túrdegi jańa kásip payda bolǵanın málim etti.

“Sinxua”nıń xabar beriwinshe, bul dizimge transshegaralıq elektron kommerciya menedjeri, dron ushıwın rejelestiriwshi, elektron sxema islep shıǵarıwshı sıyaqlı xızmetler boyınsha qánigelikler kirgizilgen.
Sonday-aq, sońǵı jıllardaǵı keń kólemli jańalanıwdıń bir bólegi sıpatında jańadan klassifikaciyalanǵan generativ jasalma intellekt sistemasın sınaqtan ótkeriw, aqıllı qoymaxana ámeliyatına texnikalıq xızmet kórsetiw sıyaqlı 42 jumıs túri de járiyalandı.
“China Daily”diń esletiwinshe, Qıtay rásmiyleri birinshi márte 2018-jılı rásmiy jańa kásipler dizimin járiyalaǵan. 2019-2024-jıllar dawamında 93 túrdegi jańa xızmet engizilgen. Mámleketlik keńestiń jıllıq esabatında juwapkerlerge usı jılı qalalarda 12 millionnan aslam jańa jumıs ornın jaratıw wazıypası júklengen.

ÓzA