Xalıqaralıq qatnasıqlarda neoliberalizmniń tiykarǵı ideologlarınan biri, Garvard universiteti professorı Jozef Nay 88 jasında qaytıs boldı.

Nay «jumsaq kúsh» túsiniginiń tiykarın salıwshı sıpatında belgili. Oǵan bola, gózlengen maqsetke tek ekonomikalıq májbúrlew yamasa áskeriy qúdiret arqalı erisiwge bolmaydı. Nay mámlekettiń óz erk-ıqrarın basqalarǵa ótkeriw qábiletiniń áhmiyetli faktorı sıpatında «tartımlılıq»tı kórsetedi. Yaǵnıy, mádeniy-ádep-ikramlılıq qádiriyatlardı, siyasiy baǵdardıń tartımlılıǵın hám mámlekettiń siyasiy institutlarınıń nátiyjeliligin kórsetiw arqalı xalıqaralıq qatnasıqlarda óziniń kún tártibin qollap-quwatlawǵa erisiw hám basqalardı óz tárepine tartıw qábileti bolıp tabıladı.
Sıyasattanıwshı atap ótkenindey, uzaq múddetli keleshekte «jumsaq kúsh» basqa da tásir usıllarına salıstırǵanda nátiyjelirek hám maqulıraq bolıp shıǵadı.

Qaraqalpaqstan xabar agentligi