Prezident Shavkat Mirziyoevtiń basshılıǵında medicina tarawındaǵı reformalardıń gezektegi basqıshında turǵan tiykarǵı wazıypalardı dodalawǵa baǵıshlanǵan videoselektor májilisi dawam etpekte.

Wálayat hám rayon emlewxanalarında vrachlar, orınlar, qarjılardı durıs bólistiriwde kemshiliklerge jol qoyılıp atırǵanı atap ótildi.
Keselleniw joqarı bolǵan Surxandárya hám Qashqadárpyada hár 10 mıń xalıq ushın 25 koyka bolsa, Nawayıda 31, Sırdáryada 34 emleniw ornı tuwra keledi.
Xalqınıń sanı birdey bolǵan Qorǵantepadaǵı emlewxanada 310, Namangan rayonında 420 koyka bar. Aqıbetinde dári ushın ajıratılǵan qarjı Qorǵantepada adam basına 3,5 mıń sum, Namangan rayonında 16 mıń sumǵa tuwra kelmekte.
Basqa mısal – Ándijan qalasındaǵı mámleketlik emlewxanada byudjet esabındaǵı hár 10 koykaǵa 26 medicinalıq xızmetker tuwra keledi. Jeke menshik klinikada bul jumıslardı 5 xızmetker atqara aladı.

ÓzA