6-mayǵa belgilengen Germaniya Bundestagi májilisinde jańa kancler saylanadı. Usı múnásibet penen húkimet basshısı Olaf Sholc xoshlasıw sózinde mámlekettiń gezektegi basshısı bolıwı kútilip atırǵan Fridrix Mercke áwmet tiledi:
Hurmetli Mırza Merc! Húkimet aldında turǵan barlıq wazıypanı shın kewilden orınlaw hám qıyınshılıqlardı jeńip ótiwde sizge úlken tabıs hám áwmet tileymen. Keletuǵını anıq bolǵan qıyın waqıtta qosımsha kúsh hám isenim toplaw imkaniyatın beretuǵın ushırasıwlar tileymen.
GFR sırtqı isler ministri Annalena Bayerbok ta sociallıq tarmaq arqalı xoshlasıw videosın járiyalaǵan.

Qaraqalpaqstan xabar agentligi