AQSh Prezidenti Donald Tramp Sawda ministrligi hám Sawda wákili uyımına «mámleketke kirip kelip atırǵan hám sırt elde islep shıǵarılǵan barlıq filmlerge» 100 procent bajı engiziwge ruqsat bergenin ayttı. Bul haq№ında «Euronews» xabar tarqattı.

– Amerika kino kórkem óneri tezlik penen izge háreketlenbekte, – dep jazǵan mámleket jetekshisi sociallıq tarmaq arqalı. – Basqa mámleketlerdiń kino dóretiwshileri hám studiyaların Amerikadan uzaqlastırıw ushınhár túrli xoshamet usınıs etildi. Olardıń birgeliktegi háreketi milliy qáwipsizlikke qáwip bolıp tabıladı.
AQSh kinosı hám televideniesinde islep shıǵarıw dárejesi keyingi jıllarda SOVID-19 pandemiyası, Gollivud gildiyasındaǵı 2023-jılǵı jumıs taslaw hám Los-Andjeles aymaǵındaǵı toǵay órtleri sebepli úlken sátsizlikti basınan ótkermekte.

Musulmon Ziyo, ÓzA