Elimiz máhállelerinde puqaralar jıyını baslıǵı saylawı processleri bolıp ótpekte.

Óz táǵdirin usı mámleket, máhálle táǵdiri menen baylanıstırǵan watanlaslarımız bul juwapkershilikli processke biypárwa qaramay atırǵanı itibarǵa ılayıq.
Saylaw processlerinde talabanlar óz baǵdarlamaları, keleshektegi rejeleri, máhállelerdi jáne de abat, abadan, qáwipsiz bolıwı, shańaraqlıq ajırasıwlardıń aldın alıw, jınayatıshılıqtı saplastırıw, isbilermenlikti rawajlandırıw boyınsha keleshekte ámelge asırılatuǵın jumısları haqqında tolıq maǵlıwmat bermekte. Eń múnásip talabanlar máhálle baslıǵına saylanbaqta.
May-iyul aylarında ótkeriletuǵın máhálle baslıqları saylawına qızǵın tayarlıq jumısları ámelge asırılǵanın aytıw kerek.
Máhálleler associaciyasında Respublikalıq shtab, 14 aymaqta hám 208 rayon hám qalalarda máhálle baslıqları saylawın shólkemlestiriw hám ótkeriwge járdemlesiwshi komissiyalar janındaǵı Shtablardıń jumısı jolǵa qoyıldı.
Járdemlesiwshi komissiyalardıń máhálle baslıqları saylawına baylanıslı 32 túrdegi hújjetler joybarı tayarlanıp, aymaqlarǵa jetkerildi.
Ózbekstan máhálleleri associaciyası bergen maǵlıwmatlarǵa bola, 2025-jıl 2-may sánesinle respublika aymaǵındaǵı 157 rayon (qala)lardıń 260 máhállesinde saylawlar ótkeriledi.
Bul saylawlarda qatnasatuǵın wákiller 78 mıń 114di quraydı.

ÓzA