Prezident Donald Tramp hákimshiligi SOVID-19 tarqalıwında QXR laboratoriyasın ayıplaǵannan keyin, Pekin kúni keshe kópshilikke járiyalanǵan pandemiyaǵa qarsı juwap haqqındaǵı bildiriwde bul virus, kerisinshe, AQShta jaratılǵan bolıwı múmkinligi haqqında ayttı.

Aq úy 18-aprel kúni iske qosqan SOVID-19 veb-saytında koronavirus Qıtaydaǵı laboratoriyadan sızıp shıqqanın atap ótip, burınǵı Prezident Jo Bayden, AQSh densawlıqtı saqlaw sistemasınıń burınǵı jetekshi xızmetkeri Entoni Fausi hám Jáhán densawlıqtı saqlaw shólkemin sınǵa alǵan.
«Sinxua» mámleketlik málimleme agentligi basıp shıǵarǵan maqalada Qıtay AQShtı bul máseleni siyasatlastırıwda ayıplaǵan.
– Biz tiyisli maǵlıwmatlardı óz waqtında JDSSh hám xalıqaralıq jámiyetshilik penen bólistik, – dep qosımsha etilgen esabatta. – AQSh ózin «soqır hám gereń kórsetiw»di dawam etpey, kerisinshe xalıqaralıq jámiyetshiliktiń tábiyǵıy qáweterlerine juwap beriwi kerek. Tiykarǵı dáliller SOVID-19 Qıtayda háwij alıwınan aldınıraq Qurama Shtatlarda júzege kelgen bolıwı múmkin ekenligin kórsetti.

Qaraqalpaqstan xabar agentligi