Dron islep shıǵarıwdı keńeytiw baǵdarlaması kelispewshilikti saplastırıw boyınsha sóylesiwler sátizlikke ushıraǵan jaǵdayda Kiev usınatuǵın ekinshi reje bolıp esaplanadı, dep jazdı Amerikanıń “The New York Times” basılımı intervyu bergen áskeriy analitiklerge súyenip.

– Ótken jılı gúzde islep shıǵarıla baslaǵan hám fevral ayında qorǵanıw ministri Rustem Umerov tárepinen rásmiy járiyalanǵan “Ushıwshısız samolyotlar boyınsha keńeytilgen baǵdarlama” Kievtiń “B rejesi” bolıp esaplanadı, – delingen maqalada.
Xızmetkerdiń sózlerine bola, eń jaqsı oqıtılǵan dron bólimshelerinen qorǵanıw shegarasın jaratıw maqseti házirshe bes strukturanı birlestirgen.
Ukraina strategiyalıq sanaat ministri German Smetanin bunnan aldınıraq Kievte 700 kilometrge shekem aralıqta jaylasqan nıshanǵa soqqı bere alatuǵın “Peklo” ózi ushatuǵın raketaları bar ekenin aytqan edi. 2024-jıl 24-avgustta Vladimir Zelenskiy basqa da ushıwshısız raketalar, sonıń ishinde, “Palyanica” da sınaqtan ótkerilgeni haqqında aytqan edi. 4-dekabrde bolsa Umerov bul túrdegi qural sistemalı túrde islep shıǵarıla baslaǵanın málim etti.

Qaraqalpaqstan xabar agentligi