Atap aytqanda, xokkey boyınsha Ózbekstan milliy saylandı komandası da xalıqaralıq maydanda ájayıp nátiyje kórsetti. Armeniyada ótkerilgen jáhán chempionatında xokkeyshilerimiz óz divizionında jeńimpaz bolıp, aldaǵı máwsimde úshinshi divizionǵa qatnasıw huqıqın qolǵa kirgizdi. Bunnan aldın, mart ayında Taylandta bolıp ótken 18 jasqa shekemgi xokkeyshiler arasındaǵı jáhán chempionatında da saylandı komandamız jeńiske erisken edi.

Saudiya Arabstanında ótken 18 jasqa shekemgi sportshılar arasında jeńil atletika boyınsha Aziya chempionatında jerleslerimiz 12 medal -3 altın, 5 gúmis hám 4 bronza medaldı qolǵa kirgizip, óz tariyxında birinshi márte ulıwma komandalıq esapta ekinshi orındı iyeledi.
Bul jetiskenlikler, bárinen burın, jigit-qızlarımızdıń tınımsız miyneti, joqarı sheberligi, bekkem sabırı hám erk-ıqrarınıń arqasında. Bunda sport tarawına qaratılıp atırǵan itibar hám sistemalı mámleketlik siyasattıń da ayrıqsha ornı bar ekenin atap ótiw kerek. Mámleketimizde sport infrastrukturası sezilerli dárejede jaqsılandı, jańa mektepler ashılmaqta, sportshılardıń professional rawajlanıwı ushın sharayatlar jaratılmaqta.
Mámleketimiz basshısı xokkeyshi hám jeńil atletikashılarımızdı joqarı jeńisleri menen qutlıqlap, ata-anaları, ustaz hám trenerlerine shın júrekten minnetdarshılıq bildirdi.

ÓzA