Sankt-Peterburg qalasında bolıp ótip atırǵan Ǵárezsiz mámleketlerdiń Doslıq awqamına aǵza mámleketler Parlamentleraralıq Assambleyasınıń báhárgi sessiyası sheńberinde Oliy Majlis Senatı Baslıǵı Tanzila Narboeva basshılıǵındaǵı Ózbekstan parlamenti delegaciyası Piskarev memorial qoyımshılıǵına gúlsheńber qoyıw máresimine qatnastı.

Máresim Ekinshi jer júzilik urıstaǵı Jeńistiń 80 jıllıǵına baǵıshlanǵan bolıp, tınıshlıq hám azatlıq jolında janın pidá etken millionlaǵan insanlardıń erligine tereń minnetdarshılıq hám húrmet kórinisi boldı.
Ilaj ǴMDA mámleketleri parlament delegaciyaları basshıları hám aǵzalarınıń qatnasıwında bolıp ótti. Marhumlardı eslewge delegaciyalar basshılarınıń atınan gúlsheńber qoyıldı, keyin máresim qatnasıwshıları izbe-iz estelikke gúlsheńber qoydı.
Parlament delegaciyalarınıń bunday eslew ilajlarına qatnasıwı tariyxıy miyrastı qásterlep-saqlaw, ǴMDA mámleketleri arasında gumanitarlıq baylanıslar hám ruwxıy birlikti bekkemlew zárúrligin kórsetedi.