15-aprel kúni Perspektivalı joybarlar milliy agentligi «Asterium» kompaniyasına kripto-aktivler aylanısı tarawındaǵı xızmetler provayderi sıpatında jumıs islew ushın licenziya berdi. Bul haqqında agentliktiń baspasóz xızmeti xabar berdi.

Oǵan bola, ILMA basshısınıń 14-apreldegi buyrıǵı tiykarında «Asterium» kompaniyası Ózbekstanda jumıs islep atırǵan úshinshi kriptobirja sıpatında dizimnen ótti. Tiyisli maǵlıwmatlar licenziyalardıń elektron reestrine belgilengen tártipte kirgizilgen.
Kompaniya mart ayında kriptodúkan sıpatında jumıs islew ushın rásmiy licenziya alǵan edi. «Asterium» 2025-jıldıń 30-yanvar kúni Tashkent qalasınıń Yakkasaray rayonında shólkemlestirilgen.
Usıǵan shekem Ózbekstanda tek eki kriptobirja jumıs islep kelgenin atap ótiw zárúr. Olar «Kobea Group» hám «Coinpay» bolıp esaplanadı.

Qaraqalpaqstan xabar agentligi