«Qarızdarlıq esabınan bankler balansına alınǵan múlkler realizaciyasın jedellestiriw ilajları haqqında»ǵı Prezident qararı qabıl etildi.

Qararǵa bola, 2025-jıl 1-maydan ustav fondında mámleketlik úlesi 50 procent hám onnan artıq bolǵan banklerge hám olardıń janındaǵı investiciya kompaniyalarına aukcionda satılmastan qarızdarlıqlardı sóndiriw esabınan bank balansına alınǵan múlklerdi bazar bahasında tikkeley satıwǵa, sonıń ishinde, kredit, bólip-bólip tólew, lizing shártnamaları yamasa nızamshılıqta qadaǵan etilmegen basqa kelisimler arqalı satıwǵa ruqsat etiledi.
Kommerciyalıq banklerge qarızlarlıqlardı sóndiriw esabınan bank balansına qabıl etilgen imarat-obektler, texnologiyalıq úskeneler hám basqa da múlkler tiykarında kommerciyalıq bankler janındaǵı investiciyalıq kompaniyalar arqalı toqtap qalǵan óndiris (xızmet kórsetiw) jumısın tiklep, olardı biznes sıpatında potenciallı investorlarǵa satıw huqıqı beriledi.
2025-jıl 1-sentyabrden shaǵım arzası boyınsha jumıstı ápiwayılastırılǵan jumıs alıp barıw tártibinde kórip shıǵıw ushın shaǵımnıń maksimal bahası yuridikalıq táreplerge salıstırmalı BEMniń 150 esesine shekem, jeke tártiptegi isbilermenlerge 100 esesine shekem, fizikalıq táreplerge 50 esesine shekem arttırıladı.

ÓzA