Aldınları tergew, sorastırıwdaǵı dáslepki maǵlıwmatlar prokurordıń ruqsatısız járiyalanıwı múmkin emes edi. Endigiden bılay sud jumıslarında ashıq-aydınlıqtı támiyinlewge ayrıqsha itibar qaratılmaqta. Biraq sonıń menen birgelikte jabıq túrde ótkerilgen sud májilisleri maǵlıwmatların járiyalaǵanı ushın juwapkershilik belgilekbekte.

Oliy Majlis Nızamshılıq palatasınıń májilisinde ekinshi oqıwda kórip shıǵılǵan «Ózbekstan Respublikasınıń ayırım nızam hújjetlerine ózgerisler hám qosımshalar kirgiziw haqqında»ǵı nızam joybarı usı máselege qaratılǵan.
Deputat Davron Aripovtıń atap ótiwinshe, shaxstıń huqıqları menen erkinliklerin sud arqalı isenimli qorǵaw, onıń abırayı hám qádirine qol qatılmaslıǵın támiyinlew maqsetinde jabıq sud májilisi qatnasıwshılarınıń jeke ómiri haqqındaǵı maǵlıwmatlar járiyalanıwınıń aldın alıw zárúrligi payda bolmaqta.
Usı nızam joybarı menen bir qatar nızam hújjetlerine jabıq sud májilisi maǵlıwmatların járiyalamaw boyınsha jabıq sud májilisinde qatnasıp atırǵan shaxslarǵa tiyisli wazıypa júklewdi názerde tutıwshı ózgerisler hám qosımshalar kirgizilmekte.
Nızam joybarı ekinshi oqıwǵa tayarlaw procesinde deputatlar hám taraw qánigeleriniń pikir-usınısları tiykarında talap etilgen dárejege jetkerildi. Bul nızam joybarı sud processlerinde shaxstıń huqıqları menen erkinliklerin qorǵaw kepilliklerin jáne de kúsheytiw, jeke ómiri haqqındaǵı maǵlıwmatlar járiyalanıwınıń aldın alıwǵa xızmet etedi.
Qızǵın dodalaw hám soraw-juwaplardan soń nızam joybarı deputatlar tárepinen ekinshi oqıwda qabıl etildi.

M.Komilova, ÓzA