Huqıqıy múnásibet

Bizge belgili, nızamshılıǵımızda tutınıwshınıń huqıqların qorǵaw baǵdarında da kóplegen normalar belgilengen. Bunda olar ushın satıp alınǵan tovar nuqsanlı bolsa, onı basqasına almastırıw hám yamasa qaytarıp beriw imkaniyatı bar.

Xosh, oǵan qanday jaǵdaylarda ruqsat etiledi?
Tashkent mámleketlik yuridikalıq universiteti Yuridikalıq klinika xızmetkeri Aygerim Aripbaeva bul boyınsha tómendegi huqıqıy túsiniklerdi berdi:
– «Tutınıwshılardıń huqıqların qorǵaw haqqında»ǵı nızamnıń 14-statyasında nuqsanlı tovardı almastırıp beriw tártibi belgilengen. Bul statyaǵa muwapıq, tovardıń islep shıǵarılıwına, dúzilisine, quramına baylanıslı kemshiliklerdi yamasa basqa nuqsanlardı anıqlaǵan jaǵdayda satıwshı (islep shıǵarıwshı) onı mine, usınday markalı (modeli, artikulli) tovarǵa jeti kúnlik múddette, tovardıń sapasın satıwshı (islep shıǵarıwshı) tárepinen qosımsha túrde tekseriw zárúr bolǵanında bolsa, tutınıwshı talap qoyǵan waqıttan baslap jigirma kún ishinde almastırıp beriwi shárt.
Mine, usınday markalı (modelli, artikulli) tovar bolmaǵan jaǵdayda, tutınıwshınıń almastırıp beriw haqqındaǵı talabı shaǵım etken waqıttan baslap bir ay ishinde qanaatlandırılıwı kerek.
Shól hám alıs jerlerde, tovarlar waqtı-waqtı menen alıp barılatuǵın orınlarda tutınıwshınıń bunday talabı usı orınlarǵa gezektegi tovar jetkerip beriw ushın ketetuǵın múddet ishinde, biraq eki aydan keshiktirmey qanaatlandırılıwı kerek.
Tutınıwshınıń kelisimi menen satıwshı nuqsanlı tovardı basqa markalı (modelli, artikulli) sonday tovarǵa almastırıp berip, satıp alıw bahasın tiyislisinshe qayta esap-sanaq etiwi shárt.
Juwmaqlap aytqanda, nuqsanlı tovardı almastırıw boyınsha tiykarlı múrájat etkende, satıwshı onı qolaylı tovarǵa, belgilengen waqıt dawamında almastırıp beriwi shárt.

Gulnoza Boboeva, ÓzA