Qubla Koreya paytaxtı Seulde tereń shuqırǵa túsip ketken er adamnıń denesi alıp shıǵıldı, dep xabar bermekte «VVS» basılımı.

30 jasta ekeni aytılıp atırǵan marhum motocikl aydap baratırǵanında jol tosattan oyılıp ketken. Qutqarıwshılar onıń denesin waqıya ornınan 50 metr tereńlikten tapqan.
Sociallıq tarmaqlarda tarqalǵan videokórinislerdi avtomobil aydawshısı da jaraqatlanǵanın kóriw múmkin.
Rásmiyler elege shekem jerdiń shógiw sebeplerin anıqlamadı.
Jaqında Seul qalası húkimetine berilgen esabatta sońǵı on jıl ishinde qalada 223 shókpe júz bergeni kórsetilgen.
Maǵlıwmat ornında: yanvar ayında júk mashinası aydawshısı Yaponiyanıń Yashio qalasındaǵı shuqırǵa qulap, biydárek joytılǵan edi.
Ótken jıldıń avgust ayında Kuala-Lumpur orayındaǵı jolda payda bolǵan tik jarda joq bolǵan hayaldı izlew bir hápteden soń toqtatılǵan edi.
Shuqırdıń eń keń tarqalǵan sebeplerinen biri hák tas yamasa por sıyaqlı elementlerdiń bólekleniwi bolıp esaplanadı. Ayırım jaǵdaylarda bul jaǵday áste-áste júz beriwi múmkin, biraq process waqıt ótiwi menen úlkeyedi.

Musulmon Ziyo, ÓzA