Paytaxtımızda Ózbekstan Avtosport hám karting milliy federaciyası tárepinen drift boyınsha Ózbekstan ashıq chempionatı bolıp ótti.

Jarısta 31 drayver hám 4 jámáát bellesti. Tamashagóyler sheber driftshilerdiń shıǵıwınıń gúwası bolıp, haqıyqıy adrenalin hám tolqınlanıwdı sezindi.
Ilaj dawamında tamashagóylerdiń qatnasıwında jol háreketi qáwipsizligin úgit-násiyatlaytuǵın arnawlı ámeliy shınıǵıwlar da ótkerildi.
Sonday-aq, eń aldıńǵı hám zamanagóy gibrid avtomobil modelleriniń prezentaciyası da shólkemlestirildi.

ÓzA