Ózbekstan Respublikası Prezidenti Shavkat Mirziyoev hám Ázerbayjan Respublikası Prezidenti Ilham Aliev 20-mart kúni bolıp ótken telefon arqalı sóylesiwde bir-birin hám eki mámlekettiń dos xalıqların báhár áyyyamı – Nawrız múnásibeti qızǵın qutlıqlap, tınıshlıq, abadanlıq hám rawajlanıw tiledi.

Ózbekstan menen Ázerbayjan arasındaǵı doslıq, strategiyalıq sheriklik hám awqamlaslıq qatnasıqların bunnan bılay da keńeytiw hám bekkemlewdiń eń áhmiyetli máseleleri hár tárepleme dodalandı.
Ótken jılı avgust ayında Ázerbayjan Prezidentiniń Ózbekstanǵa mámleketlik saparında erisilgen kelisimlerge muwapıq ámeliy birge islesiw boyınsha rejelerdi ámelge asırıwǵa ayrıqsha itibar qaratıldı.
Еkonomikalıq birge islesiw jılı sheńberinde birgelikte nátiyjeli jumıslardıń alıp barılıp atırǵanı ayrıqsha qanaatlanıwshılıq penen atap ótildi. Tovar almasıw kólemi artpaqta, avtomobil qurılısı, toqımashılıq, elektrotexnika, energetika, awıl xojalıǵı, turizm hám kóplegen basqa da tarmaqlardaǵı joybarlar jedel basqıshqa kirgen.
Bunnan tısqarı, mádeniy-gumanitarlıq almasıw sheńberindegi ilajlar turaqlı ótkerip kelinbekte.
Mámleket basshıları xalıqaralıq áhmiyetke iye máseleler boyınsha pikir alıstı, sonday-aq, bolajaq joqarı dárejedegi eki tárepleme ushırasıwlar hám kóp tárepleme sammitlerdiń rejesin kórip shıqtı.

ÓzA