Pútkil elimiz boylap jasarıw hám jańalanıw, jaqsılıq hám keńpeyillik áyyyamı – Nawrız ulıwma xalıqlıq bayramı Nókis rayonında da kóterińki ruwxta belgilenip ótildi.

Bayram saltanatı sport mektebi maydanında «Qádiriyatlarıń máńgi bolsın, Nawrız!» súreni tiykarında belgilenip, bayramǵa rayon hákimi Z.Zaytov, nuranıylar hám keń jámiyetshilik wákilleri menen rayon turǵınları qatnastı.
Onda rayon hákimi bayram keshesine jıynalǵanlardı jańarıw hám jasarıw áyyyamı-Nawrız bayramı menen qutlıqladı. Sonday-aq, rayondı sociallıq-ekonomikalıq jaqtan rawajlandırıw, xalqımızdıń jasaw sharayatların jaqsılaw baǵdarında ámelge asırılıp atırǵan keń kólemli jumıslarǵa toqtap ótti.
Nawrız ulıwma xalıqlıq bayramı múnásibeti menen kórkem óner sheberleri menen birge jas talant iyeleri tárepinen atqarılǵan teatrlastırılǵan bayram tamashası, milliy qosıqlar, milliy taǵamlar kórgizbesi hám sport oyınları jıynalǵanlarǵa bayram keypiyatın baǵıshladı.
Bayram ilajları rayonnıń barlıq aymaqlarında dawam etpekte.

Qaraqalpaqstan xabar agentligi