Ózbekstan Respublikası Oliy Majlisi deputatları, Densawlıqtı saqlaw ministrligi hám Farmacevtika tarmaǵın rawajlandırıw agentligi ekspertlerinen ibarat delegaciya Singapurdıń kletka texnologiyalarına tiykarlanǵan biotexnologiyalıq ónimler islep shıǵarıw boyınsha aldıńǵı tájiriybesin hám tarawdaǵı nızamshılıq ámeliyatın úyreniw maqsetinde usı mámlekette boldı.

Sapar etiw dawamında wákillerimiz Singapur Milliy universiteti janındaǵı Milliy rak institutı (NCIS), Milliy densawlıqtı saqlaw universiteti sisteması (NUHS), Kletka terapiyası izertlew institutı (ACTRIS) sıyaqlı jetekshi ilimiy hám medicinalıq mákemelerdiń qánigeleri menen sóylesiw alıp bardı. Qánigelesken kompaniyalar, sonıń ishinde «Esco Lifesciences» hám «Gene Oasis» kompaniyalarınıń jumıs menen tanıstı.
Sonday-aq, delegaciyamız aǵzaları Kletka hám gen-kletka terapiyası, klinikalıq izertlew hám óndiris procesin xalıqaralıq GMP standartına muwapıq shólkemlestiriw baǵdarındaǵı tájiriybeni tereń úyreniw imkaniyatına iye boldı. Házirgi processte tarawdı bunnan bılay da rawajalandırıwda úlken áhmiyetke iye bolǵan normativlik-huqıqıy bazaǵa ayrıqsha itibar qaratıldı.
Iyelengen bilim, ózlestirilgen ámeliyat Ózbekstanda regenerativlik medicina hám beotexnologiyalardı rawajlandırıw orayın shólkemlestiriw ushın normativlik-huqıqıy baza jaratıwda qollanadı.

Aziza Alimova,
ÓzAnıń xabarshısı