Ózbekstan Bas konsulxanasınıń járdeminde Ózbekstan Joqarı bilimlendiriw, ilim hám innovaciyalar ministrligi, Migraciya agentligi hám Qıtaydıń «JC Finance Interconnect Holdings» kompaniyasınıń baslıǵı U.Tinyi arasında onlayn ushırasıw shólkemlestirildi.

«Dúnya» MA bergen maǵlıwmatqa bola, sóylesiwler dawamında Ózbekstanda «jasıl» energetika, awıl xojalıǵı, MKT, turizm sıyaqlı taraw qánigeleri ushın aldıńǵı xalıqaralıq standartlar tiykarında qayta tayarlaw hám tájiriybesin arttırıw baǵdarlamaların islep shıǵıw máseleleri dodalandı.
Sonday-aq, tárepler Ózbekstan studentleri ushın Qıtaydıń jetekshi joqarı oqıw orınlarında grantlar ajıratıw hám talabanlardı tańlaw haqqında pikir alıstı.
Ushırasıw sońında «JC Finance Interconnect Holdings» kompaniyası wákilleriniń Ózbekstanǵa saparın shólkemlestiriwge kelisip alındı. Sapar dawamında Ózbekstan puqaraların bilimlendiriw hám kásiplik jumısqa tayarlaw boyınsha xızmetler kórsetiw orayın ashıw boyınsha tiyisli ministrlik hám uyımlarda ushırasıwlar ótkeriliwi rejelestirilgen.

Qaraqalpaqstan xabar agentligi