Berdaq atındaǵı Qaraqalpaq mámleketlik universitetinde 8-mart – xalıqaralıq hayal-qızlar kúni múnásibeti menen bayram keshesi bolıp ótti.

Keshege universitette miynet etip atırǵan eń belsendi hám pidayı hayal-qızlar, prorektorlar hám bólim baslıqları qatnastı.
Ilajda universitet rektorı, akademik A.Reymov barlıq hayal-qızlardı usı bayram menen qızǵın qutlıqlap, olardıń jámiyet hám ilimniń rawajlanıwına qosıp atırǵan salmaqlı úleslerin ayrıqsha atap ótti. Sonday-aq, hayal-qızlardı qollap-quwatlaw, olarǵa múnásip sharayat jaratıw universitet rektoratınıń turaqlı itibarında ekenligin atap ótti.




Keshede barlıq hayal-qızlarǵa estelik sawǵaları hám gúller tapsırıldı.
Ilajda jası úlken ustazlar da shıǵıp sóylep, universitet basshıları hám jámáátine bunday itibar hám ǵamqorlıq ushın óz minnetdarshılıǵın bildirdi. Olar hayal-qızlarǵa kórsetilip atırǵan húrmet hám itibardıń barǵan sayın artıp atırǵanın, bul bolsa jámiyettiń rawajlanıwına úlken túrtki beretuǵının atap ótti.
Ótkerilgen bul bayram ilajı universitet jámáátiniń hayal-qızlarǵa bolǵan joqarı húrmet-izzetiniń jáne bir ayqın kórinisi boldı.
Universitet basshıları keleshekte de hayal-qızlardıń kásiplik hám ilimiy jumısın qollap-quwatlawǵa, olarǵa jáne de keń imkaniyatlar jaratıwǵa itibar qaratatuǵının atap ótti.
Bayram ilajları barlıq fakultetlerde dawam etpekte.

Adilbay Orazov,
Qaraqalpaqstan xabar agentligi sholıwshısı.