Rayonda jınayatshılıqtı basqarıwǵa hákim bas bolıp, barlıq jumıslardı muwapıqlastırıw, onıń bul baǵdardaǵı ornı hesh jerge joǵalmaytuǵını kórsetip ótildi.

Hár háptede prokuror hám ishki isler baslıǵı menen aymaqtaǵı jaǵdaydı dodalap barıwı shárt hám zárúr ekenligi atap ótildi.
Bas prokuratura, Ishki isler, MQX akademiyaları, Yuridikalıq hám Jámiyetlik qáwipsizlik universitetlerine jınayatshılıqtıń aldın alıw boyınsha aymaq hám tarawlar biriktirilgen edi. Biraq, olar kriminogen jaǵday quramalı máhálelerge alımların jibermey atırǵanı, bul máhállelerdi úlgili etiwde belsendilik kórsetpey atırǵanına narazılıq bildirildi.
Milliy keńes hár sherekte bul joqarı oqıw orınlarınan da esabat sorap barıwı kerek ekenligi atap ótildi.
Ulıwma, Senat keminde 1 aymaqqa jınayatshılıqtı keskin qısqartıw boyınsha usınıslar berip barıwı bul baǵdardaǵı jumıslardıń nátiyjeliligin jáne de arttıratuǵınına isenim bildirildi.
Bunnan bılay, ministr hám hákimliklerdiń lawazımına qoyılıwınan aldın korrupciyanıń aldın alıw boyınsha anıq rejesin parlament hám jergilikli keńesler aldında qorǵaytuǵın sistema engiziw usınıs etildi.

Qaraqalpaqstan xabar agentligi