Prezident Shavkat Mirziyoevtiń basshılıǵında korrupciyanıń aldın alıw boyınsha jumıslardıń nátiyjeliligi hám keleshektegi baslı wazıypalarǵa baǵıshlanǵan keńeytilgen májilis dawam etpekte.

Segiz jıl aldın aymaqlardı kompleksli rawajlandırıw boyınsha sektorlar jumısı jolǵa qoyılǵan edi.
Bul sistema jıllar dawamında jıynalıp qalǵan sociallıq-ekonomikalıq mashqalalardı sheship, jaǵdaydı ońlaw ushın barlıq kúshlerdi jumsawǵa járdemlesti.
Sonıń menen birge, sońǵı jılları aymaqlar imkaniyatı bir neshe esege arttı. Biraq keyingi waqıtta prokuror, ishki isler hám salıq basqarmaları sektordı bánelep, tarawdaǵı jumıslardı tómenletip jibergeni sınǵa alındı.
Hár bir máhállege profilaktika inspektorı biriktirildi. Biraq rayon ishki isler bólimleriniń jańa sistemada islewi baqlanbay atırǵanı, profilaktika inspektorı jumısına baha berilmey atırǵanı kórsetip ótildi.
Ayırım ishki isler basqarmaları hám bólimleri basshılıǵı awır máhálleler menen sistemalı shuǵıllanbay atırǵanı, olardıń profesionallıǵı hám miynetke sadıqlıǵı sezilmey atırǵanı atap ótildi.

ÓzA