BMSh Ukraina boyınsha rezolyuciyasın qabılladı. Ózbekstan onda biytárep qaldı.

Bas Assambleya Ukraina tárepinen Evropa mámleketleri menen birgelikte tayarlanǵan rezolyuciyanı qabılladı. Hújjet usınıslıq xarakterge iye. Rezolyuciyanı jaqlap 93 mámleket dawıs berdi, 18 mámleket qarsı dawıs berdi. Ózbekstan hám jáne 64 mámleket biytárep qaldı.
Rezolyuciya tekstinde Rossiya áskerlerin Ukraina aymaǵınan «tezlik penen, tolıq hám sózsiz» alıp shıǵıp ketiw hám áskeriy háreketlerdi toqtatıw zárúrligi haqqında sóz boladı.
Sonday-aq, hújjet xalıqaralıq jámiyetshiliktiń Ukrainanıń tán alınǵan shegaraları sheńberindegi suvereniteti, ǵárezsizligi hám aymaqlıq pútinligine sadıqlıǵın tastıyıqlaydı.
Aldınıraq AQSh rezolyuciyanıń ózine tán variantın usınıs etken hám Ukraina usınıs etken hújjetti qaytarıp alıwǵa shaqırǵan edi.

Qaraqalpaqstan xabar agentligi