Qıtaylı ilimpazlar Jerdiń tómengi orbitasınan adamnıń júzi sıyaqlı súwretti tanıy alatuǵın, dúnyadaǵı eń kúshli lazerli kamera jarattı, dep jazdı «South China Morning Post» basılımı.

Qıtay Ilimler akademiyası Aerokosmoslıq málimleme izertlew institutınıń ilimpazları jəməəti bunnan aldın məmlekettiń arqa-batısında jaylasqan Cinxay kólinde bul qurılmanı sınaqtan ótkergen edi. Təjiriybe waqtında ilimpazlar kamera arqalı alınǵan úlken kólemli maǵlıwmatlardı qayta islew ushın 103 vattlı lazerdi real waqıtta sanlı qayta islew menen birlestirgen.
Texnologiya kishi tolqınlı jasalma diafragma-radar principine tiykarlanǵan, biraq optikalıq tolqın uzınlıǵında isleydi həm kishi tolqınnan paydalanatuǵın sistemaǵa qaraǵanda biraz anıq suwret jaratıw imkaniyatın beredi.
Kamera 100 kilometrden uzaq aralıqtan millimetrge shekem ólshemdegi súwretti alıw ushın qollanılǵan. Basılımnıń atap ótiwinshe, bul burın bolmaǵan teńsiz nətiyje esaplanadı.
Qurılmanıń diametri 1, 7 millimetrge shekem bolǵan bólimlerdi dárhal anıqlay alǵan.
– Maǵlıwmat dərejesi aldıńǵı tıńshı-kamera həm linza jərdeminde teleskop arqalı kóriletuǵın súwretten 100 ese sapalı,- dep jazǵan gazeta.- Jańa qollanba sırt el əskeriy jasalma joldastı teńsiz anıqlıqta úyreniw imkaniyatın beredi.

Qaraqalpaqstan xabar agentligi