Kámbaǵallıqtı qısqartıw hám xalıqtıń jasaw sharayatların jaqsılaw baǵdarında alıp barılıp atırǵan jumıslar jedel ámelge asırılmaqta. Ásirese, jaslar arasında jumıssızlıqtı qısqartıw, olardıń turaqlı dáramat dereklerine iye bolıwın támiyinlewge qaratılǵan jumıslar aymaqlarda dawam etpekte.

Tórtkúl rayonı hákimliginde rayon hákiminiń orınbasarları A.Avezimbetov, U.Allabergenov hám rayon hákimligi shólkemlestiriw-kadastr toparınıń basshısı A.Iskandarovlardıń basshılıǵında usı máselege baǵıshlanǵan ushırasıw bolıp ótti.
Rayon málimleme xızmeti bóliminiń maǵlıwmatına bola, ushırasıw 2024-jılı mámleketlik joqarı bilimlendiriw mákemelerin tamamlap, búgingi kúnde jumıssız bolıp Tashkent qalası hám wálayatlarda islewdi qálewshi jaslar menen mánzilli dizim tiykarında ótkerildi.
Ilaj dawamında jaslardıń pikir-usınısları tıńlandı.
Qatnasıwshılar jumısqa ornalısıw boyınsha ózlerin qızıqtırǵan sorawlarǵa taraw qánigelerinen juwaplar aldı.
Qánigeler jumısqa ornalısıw boyınsha ózleriniń usınısların berip ótti.

Qaraqalpaqstan xabar agentligi