Elimiz boylap xalıqtıń mashqalaların úyreniw hám olardıń sheshiliwine óz waqtında járdem beriwge qaratılǵan jumıslardı jedel alıp barıw baǵdarında bir qatar ilajlar ámelge asırılmaqta.

Ámiwdárya rayonında Ózbekstan Respublikası Prezidenti janındaǵı Sociallıq qorǵaw milliy agentligi janındaǵı Sociallıq inspekciyanıń Qaraqalpaqstan Respublikası basqarmasınıń baslıǵı Z.Kalenovtıń puqaralardıń múrájatları boyınsha kóshpeli qabıllawı bolıp ótti, dep maǵlıwmat beredi Ámiwdárya rayonı hákimligi málimleme xızmeti bólimi.
Qabıllawda puqaralardan túrli máseleler boyınsha múrájatler kelip tústi.
Solardıń ishinde, «Jalǵız baslı kekseler» reestrine kirgiziliwine, mayıplıq arbashaların alıwda, balalar napaqasın alıwda, kóz operaciyasın isletiwge, emleniw ushın ámeliy járdem beriw sıyaqlı máseleler boyınsha múrájatler jollandı.
Jollanǵan máselelerdiń kópshiligi qabıllaw procesinde unamlı sheshimlerin taptı. Al, qosımsha úyreniw hám múddet talap etetuǵınların óz waqtında sheshiw boyınsha kelisip alındı.

Qaraqalpaqstan xabar agentligi