Ájiniyaz atındaǵı Nókis mámleketlik pedagogikalıq institutınıń rektorı Q.Qodirovtıń «Rektor hám jaslar» formatındaǵı fakultetler kesimindegi ushırasıwları dawam etpekte, – dep málimleme beredi NMPI baspasóz xızmeti xatkeri I.Mátekov.

Fizika-matematika fakultetiniń studentleri menen bolıp ótken ashıq sáwbetlesiwde instituttı hár tárepleme rawajlandırıw, studentlerdiń oqıwı, ámeliyat procesi boyınsha usınıslar bildirildi.
Sonday-aq, studentlerdiń bos waqıtların nátiyjeli jumıslarǵa sarıplaw, ilimiy-izertlew jumısları hám innovaciyalıq ideyaları boyınsha da pikir alıstı.
Jaratılǵan sharayatlar, ámelge asırılıp atırǵan reformalardıń ámeliy nátiyjeleri, imkaniyatlar, joybarlar hám baǵdarlamalar haqqında maǵlıwmat berildi.
Ilajda student-jaslar oqıw hám ámeliyat procesindegi ushırasıp atırǵan mashqalalar, innovaciyalıq hám startap joybarların ámelge asırıw boyınsha seminar-treninglerdi shólkemlestiriw hám usı sıyaqlı pedagogikalıq baǵdarlar boyınsha óz usınısların bildirdi.
Rektor jaslardıń pikir-usınısları hám baslamaların bárqulla qollap-quwatlawǵa tayar ekenin atap ótti.

Qaraqalpaqstan xabar agentligi