Paytaxtımızda BMSh Balalar qorı (YuNISEF)nıń 2026-2030-jıllarǵa belgilengen jańa mámleketlik baǵdarlaması sheńberinde birge islesiwdiń áhmiyetli baǵdarların dodalawǵa baǵıshlanǵan ushırasıw bolıp ótti.
YuNISEF Ózbekstan húkimetin balalarǵa bolǵan ekspluataciya, zorlıq, qarawsızlıq, zıyanlı ámeliyatlardıń aldın alıw, olarǵa qarsı gúresiwdi kúsheytiwge nátiyjeli hám inklyuziv balalardı qorǵaw sistemasın jaratıwda qollap-quwatlaytuǵının atap ótiw kerek.
Ilaj dawamında jańa mámleketlik baǵdarlamanıń tiykarǵı maqsetleri usınıldı. Baǵdarlama 2026-2030-jıllar dawamında balalar hám xalıqtıń mútáj qatlamları ushın inklyuziv hám qolaylı ortalıq jaratıwǵa qaratılǵan. Dodalawlar procesinde sociallıq qorǵaw sistemasın jetilistiriw, mayıplıǵı bolǵan balalardı qollap-quwatlaw, densawlıqtı saqlaw hám bilimlendiriw sistemasın bekkemlew, sonday-aq, ekonomikalıq reformalarǵa járdem beriw sıyaqlı áhmiyetli baǵdarlarǵa ayrıqsha itibar qaratıldı.
Taraw wákilleriniń atap ótiwinshe, YuNISEFtiń 2026-2030-jıllarǵa belgilengen jańa mámleketlik baǵdarlaması Ózbekstan Respublikası húkimeti menen birgelikte islep shıǵılmaqta.
Muhayyo Toshqoraeva,
ÓzAnıń xabarshısı