Prezident qararına bola, inkubaciya yaki akseleraciya baǵdarlamasın tabıslı juwmaqlaǵan hám startap joybarlardı qollap-quwatlaw ushın ótkerilgen arnawlı tanlawlarda jeńimpaz (sıylıq iyesi ) bolǵan startap joybarlarǵa tómendegi baǵdarlar boyınsha venchur qor tárepinen 2 milliard sumǵa shekem investiciya qarjıları olardıń ustav fondına úles sıpatında kirgiziw arqalı ajıratıladı:
– perspektivada tabısqa erisiw potencialı joqarı bolǵan úlgi modeldi islep shıǵıw procesindegi startap joybarǵa – 500 million sumǵa shekem;
– Ózbekstan bazarında tabıslı engizilgen startap joybarǵa -1 milliard sumǵa shekem;
-sırt el bazarına shıǵıw imkaniyatına iye bolǵan startap joybarǵa -2 milliard sumǵa shekem;
-Sawda-sanaat palatası hám orınlardaǵı hákimlikler:
-Qor tárepinen qollap-quwatlanatuǵın biznes joybarlardıń rawajlanıwına járdemlesiw ushın jeke juwapker etip belgilenedi;
– hár sherekte joqarı qosımsha qun jaratıwshı biznes joybarlardı qarjılandırıw ushın Qorǵa usınıslar kirgizip baradı,- dep málimleme beredi xabar.uz saytı.

Qaraqalpaqstan xabar agentligi