Oliy Majlis Nızamshılıq palatasınıń Innovaciyalıq rawajlanıw hám málimleme texnologiyaları máseleleri komiteti tárepinen intellektuallıq múlktiń qorǵalıwın kúsheytiwge qaratılǵan nızam joybarı dáslepki túrde kórip shıǵıldı.
Ol arqalı Jınayat, Jınayat-processual, Hákimshilik juwapkershilik haqqındaǵı hám Puqaralıq kodekslerine avtorlıq huqıqı hám túrles huqıqlardı, sonday-aq, sanaat múlki obyektlerine bolǵan huqıqlardı buzǵanı ushın juwapkershilikti kúsheytiwdi názerde tutatuǵın tiyisli ózgerisler menen qosımshalar kirgiziw usınıs etilmekte.
Atap aytqanda, intellektuallıq múlk obyektlerine baylanıslı jeke múlklik emes huqıqlardı buzǵanı ushın ámeldegi nızamshılıqta názerde tutılǵan juwapkershilik ilajları kúsheytilmekte. Bunday obyektlerge baylanıslı múlklik emes huqıqlardı buzǵanı ushın jınayıy juwapkershilik belgilenbekte.
Nızam joybarı siyasiy partiyalardıń frakciya májilislerinde dodalawǵa kirgiziw ushın tayarlanbaqta.

Qaraqalpaqstan xabar agentligi