Shayır, alım, sárkarda hám ullı mámleketlik ǵayratker Zahriddin Muxammed Baburdıń tuwılǵanına 542 jıl tolıwı múnásibeti menen paytaxtımızdaǵa I.Yusupov atındaǵı dóretiwshilik mektebinde «Jaslardı watansúyiwshilik ruwxında tárbiyalawda Zahriddin Muxammed Babur miyrasınıń ornı hám áhmiyeti» atamasında ádebiy dóretiwshilik keshe bolıp ótti.
Ilajǵa Ájiniyaz atındaǵı NMPI diń ózbek ádebiyatı kafedrası oqıtıwshısı M.Ergashev, Qaraqalpaqstan Jazıwshılar awqamınıń aǵzası, shayır A.Darmenov, muǵallimler hám oqıwshı jaslar qatnastı. Onda sózge shıqqanlar shayırdıń ala sapıranlı jıllarda ótken ómir jolı, áskeriy sárkardalıq xızmetleri, dóretiwshilik miynetleri hám shıǵaramalarınıń qunlılıǵı haqqında sóz etti. Ádebiy keshe dawamında mekteptiń qábiletli oqıwshıları tárepinen shayırdıń ómirine baylanıslı saxnalıq kórinisler atqarılıp, ǵázzel hám rubayıları yadtan aytıp berildi.

Qaraqalpaqstan xabar agentligi