Ózbekstan delegaciyası Egipet Arab Respublikası húkimeti tárepinen shólkemlestirilgen III Xalıqaralıq jasalma intellekt forumında qatnastı.

Ánjuman sheńberinde zamanagóy texnologiyalardıń keleshek ushın áhmiyeti teması dodalandı. Atap aytqanda, Egipet Sırtqı isler, Qatnasıq hám málimleme texnologiyaları ministrlikleriniń wákilleri, sonday-aq, Kairdaǵı Keleshek universitetiniń qánigeleri tarawdı rawajlandırıw boyınsha tájiriybe hám kózqarasları menen ortaqlastı.
Mámleketimiz delegaciyası quramınan orın alǵan Joqarı bilimlendiriw, ilim hám innovaciyalar ministrliginiń wákilleri Abduhamid Abdurazzoqov hám Jamshid Mannopov elimizde jasalma intellekti keńnen engiziw jolında alıp barılıp atırǵan jumıslar, jas izertlewshiler ushın jaratılǵan imkaniyatlar haqqında aytıp, qábiletli jaslarımızdıń bir qatar innovaciyalıq joybarların usındı.
Tájiriybe hám ideya almasıw maydanına aylanǵan forum qatnasıwshılarına túrli mámleketlerdiń tarawdaǵı jetiskenliklerin ózlestiriw, jańa baǵdarlardı anıqlaw hám jasalma intellektti rawajlandırıw perspektivası menen baylanıslı hár qıylı máselelerdi tallaw imkaniyatın berdi.

A.Alimova, ÓzA