Húkimet qararı menen «Oqıwshılardı kásip-ónerge oqıtıwda ulıwmalıq orta bilimlendiriw mákemeleri hám isbilermenlik subyektleriniń óz-ara birge islesiw tártibi haqqında»ǵı reje tastıyıqlandı.

Reje oqıwshılardı kásip-ónerge oqıtıwda ulıwmalıq orta bilimlendiriw mákemeleri menen isbilermenler hám ónermentlerdiń óz-ara birge islesiw tártibin belgileydi.
Reje tómendegilerdi názerde tutadı:
– ulıwma orta bilimlendiriw mákemeleri hám isbilermenler arasındaǵı birge islesiw baǵdarları;
– ulıwma orta bilimlendiriw mákemeleri oqıwshıların kásip-ónerge oqıtıwdı shólkemlestiriw tártibi;
– isbilermenler tárepinen mekteplerde kásip-óner dógereklerin shólkemlestiriw tiykarları;
– ulıwma orta bilimlendiriw mákemeleriniń bos turǵan imaratların isbilermenlerge ijaraǵa beriwde ulıwma orta bilimlendiriw mákemesi hám isbilermenlerdiń minnetlemeleri.
Kásiplik dógereklerge kásipke qızıǵıwshılıǵı bolǵan 7-11-klass oqıwshıları tartıladı.
2025-jıldan 8-klass oqıwshıları ushın sanaat, óndiris, xızmet kórsetiw, agrotexnologiya tarawlarındaǵı kárxana hám shólkemlerge ekskursiyalar shólkemlestiriledi.
2024-2025-oqıw jılınıń aqırına shekem mekteplerdiń pitkeriwshilerin iyeleytuǵın kásip-óneri boyınsha ámeliy imtixannan ótkeriw hám olarǵa elektron sertifikat beriw tártibi engiziledi.

ÓzA