Berdaq atındaǵı Qaraqalpaq mámleketlik universiteti Ximiya-texnologiya fakulteti fizika hám kolloid ximiya kafedrasınıń baslıǵı, ximiya ilimleriniń doktorı, docent Oksana Seytnazarova Surxandárya wálayatı Termiz qalasında ótkerilgen xalıqaralıq ilimiy konferenciyada qatnastı,-dep xabar bermekte universitettiń baspasóz xızmeti.

Ximiya ilimleriniń doktorı, akademik A.A.Agzamxodjaevtıń esteligine baǵıshlanǵan “Kolloid ximiya: ximiyalıq texnologiya, ekologiya hám sanaat ushın innovaciyalar hám sheshimler” atamasındaǵı bul konferenciyada ilimpazlar, izertlewshiler hám sanaat tarawınıń wákilleri jıynaldı.
Onda O.Seytnazarova óziniń bayanatı menen qatnasıp, kolloid ximiya tarawındaǵı zamanagóy izertlewler, ekologiyalıq turaqlı texnologiyalar hám sanaat ushın innovaciyalıq sheshimler haqqında pikir-usınısların bildirdi.
Bul konferenciya kolloid ximiya tarawındaǵı sońǵı jetiskenliklerdi dodalaw, ilimiy birge islesiwdi rawajlandırıw hám ámeliy nátiyjelerdi sanaatqa engiziw baǵdarında ayrıqsha áhmiyetke iye.

Qaraqalpaqstan xabar agentligi